آمنہ مفتی نے’ آخری زمانہ‘ میں ہمارے عہد کی کہانی لکھی ہے۔ یہ خواب اور تعبیر کے کشمکش کی وہ داستان ہے جو ہماری تاریخ کے موجود کرداروں کے ذریعے تخلیق ہوئی ہے۔ یہ اس سوچ کی کہانی ہے جو سماج کو کسی مخصوص فکر پر استوار کرنے کی سعی کرتا ہے۔ یہ اس ملک میں موجود سیاسی کشمکش کی داستان ہے۔ آمنہ مفتی نے آخری زمانہ میں اس ملک کی سیاسی تاریخ ایک کہانی میں پرو دی۔ اس میں آزادی کا جذبہ ہے۔ تعمیر کی روح ہے اور زندگی کی حقیقتوں کی روشنی ہے۔ موقع ملے تو ایک بار پھر ناول پڑھنے پر کمر کس لیجیے۔