یادوں کے خزانوں اور بے وطنی کے افسانوں سے غزلیں اور نظمیں کشید کرنے والا شیر از راج۔ بے لاگ شاعری تو اپنے وطن میں بھی بے وطن ہوتی ہے اور پر دیس میں بھی بے وطن ۔ صرف اس وجہ سے کہ شاعری تزئین آرزو ہے۔ ماضی کی خوشگوار اور ناگوار یادوں سے دوچار، حال کی بساط پر نئی چالیں چلتی ہوئی، مستقبل میں کسی نوائے نو کے خواب دیکھتی ہوئی، کسی علاقے یا زمانے سے بیاہی ہوئی نہیں ۔ شیر از راج کی بے ساختگی سے عبارت شاعری شعور اور لاشعور کے جن سرچشموں سے اٹھ کر بہتی چلی آتی ہے اس میں بہت کچھ ہے پر چھائیاں بھی، پھول بھی ، سیر چشمی بھی تشنگی بھی خس و خاشاک بھی۔ شاعر نے ان سب کیفیتوں کو ترتیب دینے کی کوشش کی ہے۔ دکھا بہت کچھ دیا ہے، چھپایا کچھ بھی نہیں ۔ ہر طرف ایک اداس بے غرضی کارفرما ہے۔

محمد سلیم الرحمن