اختلاف كو انسانی زندگی سے ختم كرنا ممكن نہیں۔اس دنیا میں کوئی بھی سماج فرق و اختلاف سے خالی سماج نہیں۔ پیدائش کے اعتبار سے، ہر مرد مسٹر ڈفرنٹ ہوتا ہے اور ہر عورت مس ڈفرنٹ۔یہ فرق و اختلاف خود خدا کے تخلیقی نقشہ کا ایک لازمی حصہ ہے۔ایسی حالت میں قابلِ عمل صورت صرف یہ ہے کہ اختلاف کے ساتھ ایڈجسٹمنٹ کا اصول اختیار کیا جائے، نہ کہ اس کو مٹانے کا۔ فطرت کے اس اصول کا تعلق مذہبی معاملہ سے بھی ہے اور سیکولر معاملہ سے بھی۔یہ فرق و اختلاف کوئی بُرائی نہیں،بلکہ وه ترقی كے ليے زينے كی حيثيت ركھتا ہے۔ قرآن كے مطابق، صلح بہتر ہے۔ صلح كيا ہے—اختلاف کو مٹانے پر زور نہ دينا بلکہ اختلاف کو گوارا کرتے ہوئے بہتر تعلقات کو برقرار ركھنے كی کوشش كرنا۔دوسرے الفاظ ميں ’’اختلاف کے باوجود اتحاد‘‘۔ یعنی رائے کی سطح پر اختلاف، سماج کی سطح پر خوش گوار تعلق۔ یہی اس دنيا ميں منصوبہ تخلیق كے مطابق، ترقی کا راز ہے-